INAUTERIETARAKO PROPOSAMENA

kaixo!

Zer moduz joan da eguna? Oraingoan inauterietarako proposamen batekin nator, hau da, mozorro festa egiteko maskarak nola egin azalduko dizuet.

Horretarako, hasteko bideo bat atxikitu dut. Bertan, pausuz pausu azaltzen da , adibide bat egiten duen bitartean. Ondoren, labur labur idatziko ditut pausuak. 

Beraz, hona hemen bideoa!

http://www.eitb.com/eu/bideoak/osoa/793144/bideoa-egin-maskara--eskulanak/

Eta hemen pausuz pausu azalduta:

1. Lehendabizi, aurpegia estaliko digun borobila moztuko dugu.
2. Ondoren, bi zulo egingo dizkiogu.
3. Jarraian, bildu dugun materialari, formak emango dizkiogu eta, gehien gustatzen zaigun moduan, maskaran itsasten joango gara.
4. Eta azkenik, bi zulotxo egin goma jartzeko.

Behin maskarak eginda, beraiekin jolastea baino ez zaigu geratzen!

Ondo izan!

http://imagenes1.eitb.org/

Egunon blogeroak!

Nola igaro dituzue gabonak lagunartean, familian..? imaginatzen dut bikain joan direla. Baina oporretatik eskolara buelta nahiko gogorra izaten da bai haurrentzat eta bai irakasleentzat ere. Horregatik, eta erritmoa pixkana-pixkanaka hartzeko plastikako saioan bola-jokoan aritzeko boloak egitea proposatzen dut. Bolo hauek modu sinplean egiten dira, inolako zailtasunik gabe eta haurrak entretenituta eta irrikitan egoten dira, boloak amaitzean beraiekin aritzeko. 

Hona hemen eskulan hau egiteko behar ditugun materialak:

• Plastikozko botila bat
• Kola
• Ura
• Artilea
• Globo txiki bat
• Pintzela
• Tenperak
• Pilota
• Guraizeak
• Egunkaria
• Zeloa

Eta jarraitu beharreko pausuak honako hauek dira:

1. Plastikozko botilari egunkari zatiak itsatsi kolarekin. Jarraian globo txiki bat puztu eta itsatsi egunkari zatiak globoari.
2. Itsasti globo txikia plastikozko botilaren ahoari, zeloa erabilita.
3. Kola ongi lehortutakoan, margotu aurpegia eta gorputza pintzelarekin.
4. Bukatzeko, ilea erantsiko diogu boloari. Horretarako artilea erabiliko dugu. Egindako bolo guztiak lehortzen utziko ditugu, eta behin lehortutakoan, bolo-jokoan jolasten hasi gaitezke. 

Hona hemen emaitza!

http://www.eitb.com/eu/hiru3/eskulanak/osoa/897563/nola-egin-bolajokoan-aritzeko-boloak-etxean/

Laster arte!

Kaixo denoi!

Gabonak gainean ditugu eta eskola askotan olentzeroren panpina egiten dute eskolako hall-ean jartzeko apaingarri moduan edo kantatzera irtetean ikasleek beraiekin atera dezaten.

Beraz,  panpinazko olentzeroa nola egin azalduko dut gaurkoan, lehenengo pausuak idatziko ditut eta gero praktikan jartzeko, nola egin azaltzen duen bideo baten linka jarriko dizuet, errazago egin dezazuen! 

Olentzeroren burua egiteko jarraitu honako pausu hauek:

• Globo bat puztu; hori izango da gure Olentzeroren burua egiteko moldea.
• Globoaren gainean, egunkari-paper zatiak itsatsi. Lau geruza paper jarriko ditugu eta lehortzen utziko dugu.
• Gogortuta dagoenean, zuriz margotuko dugu eta barruko globoa kenduko dugu.
• Ondoren, haragi kolorez margotu eta begiak, ahoa, ilea eta abar egin.

Burua amaitutakoan, gorputza egingo dugu:

• Olentzerorentzako arropa egokiak aurkitu eta alkandora eta prakak elkarri josi.
• Mahuketako eta hanketako zuloak itxi eta arropa egunkari-paper bolaz bete, potolo-potolo jarri arte.
• Eskularru batzuk periodiko-paperez bete eta alkandorako besoei lotu.
• Galtzerdiak ere paperez bete eta hanketan jarri. Ondoren abarkak jantziko dizkiogu.
• Burua egunkari-paperez bete eta , makila baten laguntzarekin, gorputzaren gainean jarri.
• Txapela eta behar dituen apaingarriak jarri, aulki batean eseri eta prest daukagu gure olentzero nahi dugun lekuan jartzeko eta kalera irteteko abestera!

http://www.eitb.com/eu/hiru3/eskulanak/osoa/785157/

Ondoren atxikituko dudan link-ean, olentzeroren panpina nola egin azaltzen duen bideoa da:

http://www.eitb.com/eu/bideoak/osoa/785150/bideoa-egin-olentzeroren-panpina--eskulanak/

Zuen gustukoa izan delakoan, agur bero bat!

Kaixo blogeroak!

Zer moduz astea? Gaurko honetan, material birziklatuarekin egiteko tailer erraz batekin nator. Izan ere, eskola guztietan birziklatzeak duen garrantzia transmititzen zaie haurrei. Horregatik eta modu dibertigarriago batean egiteko asmoarekin, komuneko paperaren kartoizko hodiekin izarrak nola egin erakustea oso erraza da. Modu honetan, birziklapenaren nondik norakoak eta zenbat edukiontzi dauden azaldu ostean, kartoi birziklatuarekin ekingo diogu lanari. 

Eta egindako izarrak, gabonetako zuhaitzean jartzea aukera bat izango da edo etxeko beste txokoren baten gabonetako apaindura moduan.

Materialak:

• Komuneko paperaren kartoizko hodiak
• Kola zuria
• Guraizeak
• Erregela
• Arkatza
• Zilar edo urre koloreko pintura akrilikoa eta purpurina
• Eta hari transparentea (nylon)

Pausuak:

1. Kartoizko hodia hartu eta zanpatu egingo dugu, errazago mozteko

Eureka manualidades

2. Zati berdinak ateratzeko, erregelarekin neurtuko dugu. Hodi batekin, 1,5zm eginda zati bakoitza, 5 zati ateratzen dira. Baina izarra handiagoa egin nahi baldin bada, zati bakoitza zabalago egin daiteke. 

Eureka manualidades

3. Behin zatiak eginda, orain itsastea tokatzen da. Zati bakoitzaren bazterrean kola zuria bota, eta bata bestearekin itsatsiko ditugu. Zatiak ez askatzeko eta ondo itsasteko, pintzak jarriko ditugu eta lehortzen utzi.

Eureka manualidades

Eureka manualidades

4. Lehortzen denean, nahi dugun moduan apainduko dugu. Esate baterako, zilar kolorearekin margotu dezakegu eta gero gainetik kolore bereko purpurina bota, hau da, bakoitzaren gustuaren arabera. Lehortzen utzi eta prest dago gure gabonetako izarra. Orain haria jartzea baino ez zaio falta eta gabonetako zuhaitzean eskegitzea. 

Ongi izan eta beste baterarte!

Arratsaldeon blogeroak!

Asteburua amaitzeko, eta astea ondo hasteko beste eskulan batekin nator. Gaurkoan paperezko edo kartulinazko haize-errota bat nola egin azalduko dut.

Eskulan honen bitartez, haurrek beraien etxeetako balkoietan edo eskolako leihoren batean kokatzen badute, haizearen norabidea eta indarra aztertu ahal izango dituzte. Aprobetxatuz,  haizeak energia sortzen duela azaldu ahalko diegu. Beraz, esango nuke 4. edo 5. mailan egiteko eskulan bat dela. Izatez eskulanak ez duelako batere zailtasunik, baina haizearen inguruko teoria gehiegi izan daiteke adin horretatik beherako haurrentzat. 

Hona hemen beraz, haize-errota bat egiteko behar ditugun materialak eta jarraitu beharreko pausuak:

Materialak:

• Kartulina edo orri zuria
• Guraizeak
• Erregela
• Pajita
• Margoak (ez baditugu koloretako kartulinak)
• Txintxetak
• Goma eva edo plastilina

Pausuak:

1. Folio edo kartulinan karratu bat moztu eta erditik tolestu birritan triangelu forman

Eureka manualidades

Eureka manualidades

2. Folio edo kartulina zuria erabiliz gero, zonalde edo triangelu bakoitza kolore desberdinez margotuko dugu, bai aurretik eta bai atzetik

Eureka manualidades

3. Lerroetatik moztuko dugu, zentroan 2 zm utziz. 

Eureka manualidades

4. Puntak barrurantz tolestu eta txintxetekin lotuko ditugu.

Eureka manualidades

5. Amaitzeko, pajita bat jarriko dugu eta txintxetarekin batu. Eta txintxetarekin minik ez hartzeko, plastilina edo goma eva jarriko diogu puntan. 

Eureka manualidades

Entretenigarria eta zuen gustukoa izango delakoan hurrengorarte!

Arratsaldeon blogeroak!

Zelan doa astea? Gaurkoan Lehen Hezkuntza 2.mailan egiteko aproposa den eskulan batekin nator: arkatz-potea. 

Nire ustez, 2. mailan egiteko egokia da, ez duelako zailtasun maila askorik eta erraz egin daitekeelako. Hori bai, bi saiotan egiteko eskulan bat dela esango nuke. Izan ere, lehortzen utzi behar baita eta gero gainetik margotu.

2.mailatik aurrera ere egin daiteke, baina ikasleak aspertu egingo lirateke. 

Hona hemen arkatz potea bat nola egin:

Materialak:

• Arropa zintzilikatzeko egurrezko pintzak.
• Pintura
• Pintzelak
• Itsasgarria
• Plastikozko pote bat

Jarraitu  beharreko pausuak:

1. Banandu pintzak banaka-banaka, baina kontuz hatzaparrekin!
2. Margotu kolore desberdinez, eta erabili gehien gustatzen zaizkizunak. Itxaron pintzak lehortu arte.
3. Pintzak lehor daudenean, itsatsi potearen inguruan.
4. Prest dugu arkatz-ontzia errotulki, boligrago, arkatz... edo nahi dugunarentzat!

Hona hemen azken emaitzaren adibide bat!

http://childtopia.com/...

Kaixo lagunok!

Astea ondo hasteko, gabonetan egiteko eskulan batekin nator!

Hain zuzen ere,  lagunak eta familiakoak zoriontzeko txartelak nola egin azalduko dut, betiere Lehen Hezkuntzako haurrentzat errazak diren pausuak emanez.

http://www.pinterest.com/...

 Materialak:

• Kartulina edo kartoia
• Folio zuriak
• Koloretako margoak, errotulkiak, argizariak..
• Baina batez ere oso garrantzitsua da dibertitzeko eta sormena erabiltzeko gogoak izatea.  

Jarraitu beharreko pausuak:

1. Kartoia erabiliz gero folio erdiaren tamainara erdibitu. Eta kartulina erabiliz gero erditik zatitu. Erditik ondo tolestuta badaukagu txartelaren oinarria izango dena. 
2. Folioa, aurretik aipatutako kartulina edo folioan sartzeko moduko tamainan moztuko dugu, errektangelu edo karratu forma emanez. Eta folio horretan gabonekin zerikusia duen zerbait margotuko dugu: olentzero, gabonetako zuhaitza, elur panpina, opariak... Azken finean gehien gustatzen zaiguna irudikatuko dugu, nahi dugun margo motak erabiliz: argizariak, tenperak, errotulkiak...
3. Folio zati hori kartulinaren azala izango den aldean itsatsiko dugu eta lehortzen utziko dugu.
4. Azken urratsa, txartelaren barnealdean nahi dugun mezua idaztea izango da. Nori zuzendua dagoen jartzea garrantzitsua izango da. Esaterako:" Izeba-osaba agurgarriak.... gabon zoriontsuak opa dizkizuet..."

Hona hemen gabonetako txartelak egiteko bi adibide desberdin:

http://www.pinterest.com/...

http://www.pinterest.com/...

Amaitzeko esan beharra dut, eskulan hau oso aproposa iruditzen zaidala Lehen Hezkuntzako haurrekin egiteko. Izan ere, entretenituta egongo zirela iruditzen zait eta sormena lantzeko guztiz egokia ikusten dut.

Ongi izan!

Egunon denoi!

Hemen naiz berrio ere!

Lehen Hezkuntzako haurrek izugarri disfrutatzen dute eskulanak egiten, izan ere oso entretenigarriak izaten direlako gehienak eta oso ondo pasatzen dutelako.

Gabonak gainean ditugu, eta ikastetxe gehienak apainduraz beterik egoten dira. Apaindura horiek egiteko, normalean kurtsoz kurtso gela bakoitzak gauza bat burutzen du: hau da, zuhaitzean jartzeko bolak, olentzeroren irudiak margoztea, txirikordak, izarrak... Horrela apaindura guzti hauekin eskola hornitzen dute eta gabonen espiritua helarazten dute.

Hona hemen gabonetan egiteko eskulan desberdinak proposatzen dituen orrialde interesgarri bat. Orrialde honetan, bideo desberdinak daude, non eskulan bakoitza pausuz pausu nola egiten den azaltzen duen.

Espero dut zuen gustokoa izatea eta tailerrekin gozatzea!

Ea ondo ateratzen zaizkizuen!

Hurrengorarte!

https://berastegikasiz.wikispaces.com/GABONETAKO+ESKULANAK

http://2.bp.blogspot.com/...

http://img.scoop.it/...

Egunon lagunok!

Gaurkoan Glogster programa nola erablitzen den ikasi dugunez, eta praktikan jartzeko triptiko bat egin dut.

Hemen doakizue Glogster programarekin egindako zenbait eskulanen inguruan egindako triptikoa. 

Espero dut zuen gustokoa izatea!

Disfrutatu eta hurrengorarte!

Egunon!

Hemen nauzue lehen eskulana aurkezteko prest. Egunero egunero zakarrontzira botatzen dugun paperari bizia emateko asmoarekin, papiroflexia tailer bat proposatzen dut. Izan ere, askotan ez gara konturatzen baina paper birziklatua izugarrizko tresna izan daite hainbat tailer egiteko. Horretarako hona hemen paperekin egindako itsasontzi bat nola egiten den azaltzen duen bideo bat.

 Espero dut zuen gustokoa izatea!

Goza ezazue paperezko itsaontziak egiten!